తూర్పుగోదావరి జిల్లాలో ఘోర రోడ్డు ప్రమాదం.. ఏడుగురు మృతి

Devarapalli Road Accident 7 Killed: తూర్పుగోదావరి జిల్లాలో మంగళవారం అర్ధరాత్రి ఘోర రోడ్డు ప్రమాదం జరిగింది. జీడీపిక్కల లోడుతో ఓ మినిలారీ తూర్పు గోదావరి జిల్లాలోని నిడదవోలు మండలం తాడిమళ్లకు బయలుదేరింది. అయితే మార్గ మధ్యలో ఆరిపాటిదిబ్బలు-చిన్నాయిగూడెం రోడ్డులో.. దేవరపల్లి మండలం చిలకావారిపాకలు సమీపంలో అదుపుతప్పి పంటబోదెలోకి దూసుకువెళ్లి బోల్తా పడింది. దీంతో జీడిపిక్కల బస్తాల కింద చిక్కుకుని ఏడుగురు చనిపోగా.. మరో ఇద్దరు తీవ్రంగా గాయపడ్డారు.ఈ ఘటన జరిగిన సమయంలో వాహనంలో 9 మంది ఉన్నట్లు చెబుతున్నారు.