తెలంగాణ ఇంటర్ విద్యార్థులకు గుడ్‌న్యూస్.. కాలేజీ ఆవరణలోనే, ఇక ఆ ఇబ్బందులు ఉండవ్

తెలంగాణలో ఇంటర్ విద్యార్థులకు గుడ్‌న్యూస్. ఆధార్ అప్‌డేట్‌ల కోసం ఇక నుంచి ఆధార్ సెంటర్లలో క్యూ కట్టాల్సిన పనిలేదు. తపాలా శాఖ, ఇంటర్ బోర్డు, UIDAI సంయుక్తంగా జూనియర్ కళాశాలల్లోనే ఆధార్ మేళాలు నిర్వహిస్తున్నాయి. మంగళవారం కాచిగూడ కళాశాలలో ప్రారంభమైన ఈ శిబిరాలు అన్ని జూనియర్ కళాశాలల్లోనూ కొనసాగుతాయి. విద్యార్థులు, తల్లిదండ్రులు తమ ఆధార్ వివరాలను నవీకరించుకోవచ్చు లేదా కొత్తవి పొందవచ్చు. ఇది విద్యార్థులకు సమయం, డబ్బు ఆదా చేస్తుందని అధికారులు తెలిపారు.