తెలంగాణ జనసేనలోకి చేరికలు.. పవన్ సమక్షంలో కండువా కప్పుకున్న గడల శ్రీనివాసరావు

Gadala Srinivasa rao Joined Janasena: తెలంగాణలో జనసేన పార్టీకి నూతనోత్తేజం కలిగించే పరిణామం బుధవారం చోటుచేసుకుంది. తెలంగాణ పబ్లిక్ హెల్త్ మాజీ డైరెక్టర్ గడల శ్రీనివాసరావు జనసేన కండువా కప్పుకున్నారు. జనసేన అధినేత పవన్ కళ్యాణ్ గడల శ్రీనివాసరావుకు కండువా కప్పి జనసేనలోకి ఆహ్వానించారు. ఈ సందర్భంగా పవన్ కళ్యాణ్ సిద్ధాంతాలు నచ్చి జనసేనలో చేరినట్లు గడల శ్రీనివాసరావు తెలిపారు. తెలంగాణలో పార్టీ బలోపేతానికి కృషి చేస్తానన్నారు. మరోవైపు ఆవిర్భావ దినోత్సవం సందర్భంగా చేసిన ట్వీట్‌తోనే గడల శ్రీనివాసరావు జనసేనలో చేరతారనే వార్తలు వచ్చాయి. చివరకు అదే నిజమైంది.