తెలంగాణ రైతులకు గుడ్‌న్యూస్.. ఆ పంటల సాగుకు సబ్సిడీ, ఎకరాకు రూ.1.50 లక్షలు..!

రాష్ట్రంలో కూరగాయలు సాగు చేసే అన్నదాతలకు గుడ్‌న్యూస్. శాశ్వత పందిళ్లు, మౌలిక సదుపాయాలు ఏర్పాటు చేసుకునేందుకు సాయపడాలని రేవంత్ ప్రభుత్వం నిర్ణయించింది. శాశ్వత పందిళ్లకు ఎకరానికి రూ.3 లక్షలు ఖర్చు కానుండగా ఆ పెట్టుబడిలో 50 శాతం సబ్సిడీ ఇవ్వనుంది. ఈ స్కీమ్‌ను తొలుత నిజామాబాద్ జిల్లా బోధన్‌లో ప్రయోగాత్మకంగా అమలు చేయనుంది. తీగ జాతి కూరగాయల సాగుకు ప్రాధాన్యం ఉంటుంది. ఈ స్కీమ్ అమలుకు వ్యవసాయ మార్కెట్ కమిటీ నిధులను వినియోగించనున్నట్లు తెలిసింది.