తెలంగాణ స్థానిక ఉత్పత్తులకు గ్లోబల్ గుర్తింపు.. 31 జిల్లాలకు ఎగుమతి హబ్ హోదా

తెలంగాణలోని 31 జిల్లాలను డిస్ట్రిక్ట్ ఎక్స్‌పోర్ట్ హబ్ కార్యక్రమం కింద కేంద్ర ప్రభుత్వం ఎంపిక చేసింది. స్థానికంగా ప్రపంచస్థాయి సామర్థ్యం ఉన్న ఉత్పత్తులు, సేవలను గుర్తించి గ్లోబల్ మార్కెట్లకు అనుసంధానించడం ఈ పథకం ప్రధాన లక్ష్యం. గతంలోని ఒక జిల్లా ఒక ఉత్పత్తి కార్యక్రమాన్ని విస్తరించి ఈ కార్యక్రమాన్ని అమలు చేస్తున్నారు. హనుమకొండ, యాదాద్రి భువనగిరి మినహా అన్ని జిల్లాలు ఎంపికయ్యాయి. రాష్ట్రస్థాయిలో సీఎస్ అధ్యక్షతన, జిల్లాల్లో కలెక్టర్ల అధ్యక్షతన ఎగుమతి ప్రోత్సాహక కమిటీలు ఏర్పడి స్థానిక ఉత్పత్తులకు బ్రాండింగ్, మార్కెటింగ్, ఎగుమతి అవకాశాలు కల్పించనున్నాయి.