తెలంగాణ హెడ్‌కానిస్టేబుల్‌కు ప్రెసిడెంట్ మెడల్.. సాహసానికి దక్కిన అరుదైన గౌరవం

78వ స్వాతంత్ర్య దినోత్సవాల వేళ తెలంగాణ పోలీసులు అందిస్తున్న విశిష్ట సేవలకు గానూ.. అరుదైన గుర్తింపు లభించింది. కేంద్ర ప్రభుత్వం ప్రకటించిన ప్రెసిండెంట్ మెడల్‌తో పాటు గ్యాలంటరీ అవార్డులు కూడా తెలంగాణ పోలీసులను వరించాయి. మొత్తంగా 21 అవార్డులు రావటం విశేషం. అందులో.. దేశంలో ఒకే ఒకరికి అందించే ప్రెసిడెంట్ మెడల్ ఫర్ గ్యాలంటరీ అవార్డు.. తెలంగాణకు చెందిన హెడ్ కానిస్టేబుల్ చదువు యాదయ్యను వరించటం విశేషం.