తెలంగాణ హోంగార్డులకు భారీగా జీతాలు పెంపు.. జనవరి నుంచే అమలు.. సీఎం రేవంత్ ప్రకటన

TG Home Guard Salary: తెలంగాణలో కాంగ్రెస్ ప్రభుత్వం ఏర్పడి.. ఏడాది పూర్తవుతున్న నేపథ్యంలో నిర్వహిస్తున్న ప్రజా పాలన- ప్రజా విజయోత్సవాల సందర్భంగా.. రేవంత్ రెడ్డి సర్కార్ మరో శుభవార్త వినిపించింది. తెలంగాణలోని హోంగార్డులకు భారీగా జీతాలు పెంచుతూ ప్రభుత్వం ఉత్తర్వులు జారీ చేసింది. హోంగార్డుల దినసరి భత్యాన్ని వెయ్యి రూపాయలకు పెంచుతూ ప్రభుత్వం ఉత్తర్వులు జారీ చేసింది. ఈ పెంచిన జీతాలు జనవరి నుంచే అమల్లోకి వస్తాయని పేర్కొంది. ఈ మేరకు సీఎం రేవంత్ రెడ్డి కీలక ప్రకటన చేశారు.