తెలంగాణలో 2 కొత్త ఎయిర్‌పోర్టులు.. ఈ ప్రాంతాల్లోనే, రెండేళ్లలో అందుబాటులోకి..!

తెలంగాణలో కొత్తగా వరంగల్, ఆదిలాబాద్ జిల్లాల్లో బ్రౌన్‌ఫీల్డ్ విమానాశ్రయాలు రానున్నాయి. వీటిని 2027 డిసెంబర్ నాటికి అందుబాటులోకి తీసుకురావాలని ఏఏఐ (AAI) లక్ష్యంగా పెట్టుకుంది. వరంగల్‌లో ఇప్పటికే భూసేకరణ దాదాపు పూర్తయ్యింది. ఆదిలాబాద్‌లో భారత వాయుసేన అనుమతి లభించింది. రాష్ట్ర ప్రభుత్వం ఈ ప్రాజెక్టులపై ప్రత్యేక దృష్టి సారించింది. ఈ కొత్త విమానాశ్రయాలు రాష్ట్ర ఆర్థికాభివృద్ధికి దోహదపడనుండగా.. ప్రస్తుతం ఉన్న శంషాబాద్ విమానాశ్రయంపై భారం తగ్గుతుంది.