తెలంగాణలో ఆ రెండు జిల్లాల వాసులకు తీపికబురు.. డిసెంబర్ 31 లోగా..

తెలంగాణలోని గ్రేటర్ వరంగల్, కరీంనగర్ నగరాలకు సంబంధించిన స్మార్ట్ సిటీ ప్రాజెక్టుల పెండింగ్ పనులను పూర్తి చేయడానికి కేంద్రం డిసెంబర్ నెలాఖరు వరకు చివరి అవకాశం ఇచ్చింది. గతంలో మార్చి 31తో ముగిసిన గడువును, కాంగ్రెస్ ప్రభుత్వం చేసిన చొరవ, ఎంపీ కడియం కావ్య విజ్ఞప్తి మేరకు పొడిగించారు. వరంగల్ స్మార్ట్ సిటీ బోర్డు సమావేశంలో ఈ నిర్ణయాన్ని ప్రకటించారు. సుమారు రూ.115 కోట్ల విలువైన కరీంనగర్ పనులు, రూ.219 కోట్ల బిల్లులు నిలిచిపోయిన వరంగల్ పనులను ఈ గడువులోగా పూర్తి చేయాలని అధికారులు లక్ష్యంగా పెట్టుకున్నారు.