తెలంగాణలో కాంగ్రెస్ మరో పాదయాత్ర.. 7 రోజులు 6 నియోజకవర్గాల్లో మీనాక్షి నటరాజన్ పర్యటన!

తెలంగాణలో అధికార కాంగ్రెస్ పార్టీ మరోసారి ప్రజల్లోకి వెళ్లేందుకు సిద్ధమైంది. ఏఐసీసీ రాష్ట్ర వ్యవహారాల ఇన్‌చార్జి మీనాక్షి నటరాజన్ ఆరు నియోజకవర్గాల్లో పాదయాత్ర చేయనున్నారు. ప్రజల సమస్యలు తెలుసుకోవడం, ప్రభుత్వ పథకాల అమలును పరిశీలించడమే లక్ష్యంగా ఈ యాత్ర సాగుతుంది. స్థానిక సంస్థల ఎన్నికల నేపథ్యంలో పార్టీని బలోపేతం చేసేందుకు, నేతల మధ్య సమన్వయం కుదిర్చేందుకు ఆమె కృషి చేయనున్నారు. జూలై 31 నుంచి ఏడు రోజుల పాటు జిల్లాల్లో పాదయాత్ర కొనసాగుతుంది.