తెలంగాణలో కాంట్రాక్ట్, అవుట్ సోర్సింగ్ ఉద్యోగాలు.. భారీగా తొలగింపులు.. నియామకాలు..?

తెలంగాణ ప్రభుత్వం కాంట్రాక్ట్, ఔట్‌సోర్సింగ్ ఉద్యోగుల నియామకాలపై కఠినంగా వ్యవహరిస్తోంది. గత ప్రభుత్వంలో ఇష్టానుసారంగా జరిగిన నియామకాలపై వచ్చిన ఫిర్యాదుల నేపథ్యంలో, ఎక్కడ అవసరమో, ఎక్కడ అనవసరమో గుర్తించాలని సీఎం రేవంత్ రెడ్డి అధికారులకు ఆదేశాలు ఇచ్చారు. ఈ బాధ్యతను రిటైర్డ్ ఐఏఎస్ శాంతికుమారి నేతృత్వంలోని ఒక కమిటీకి అప్పగించారు. ఈ కమిటీ వివిధ శాఖల్లో పనిచేస్తున్న కాంట్రాక్ట్ ఉద్యోగుల వివరాలను, ఆర్థిక శాఖ అనుమతులను, పనిభారాన్ని పరిశీలించి, ఎక్కడ పొరుగు సేవలు అవసరమో నివేదిక సమర్పించనుంది.