తెలంగాణలో కొత్తగా 100 పోలీస్ స్టేషన్లు.. మరో 150 వరకు ఠాణాల స్థాయి పెంపు!

శాంతి భద్రత విషయంలోనే కాదు.. ప్రజలకు అన్ని విషయాల్లోనూ మెరుగైన సేవలు అందించడంలో తెలంగాణ పోలీసులు దేశంలోనే నెంబర్ వన్‌. సైబర్ నేరాలు, డ్రగ్స్ అక్రమ రవాణాను అడ్డుకోవడంలో ముందుంటున్నారు. అందుకే ఈ వ్యవస్థను మరింత బలోపేతం చేసే దిశగా తెలంగాణ ప్రభుత్వం అడుగులు వేస్తోంది. ప్రస్తుతం రాష్ట్రంలో అన్నీ కలిపి 844 పోలీస్ స్టేషన్ల ఉండగా... ఈ సంఖ్యను పెంచాలని భావిస్తోంది. అంతేకాదు, ప్రస్తుతం ఉన్నవాటిని అప్‌గ్రేడ్ చేయాలని కూడా సంకల్పించింది.