తెలంగాణలో కొత్తగా 2 ఆర్టీసీ డిపోలు.. ఆ జిల్లాల్లోనే ఏర్పాటు.. ఉత్తర్వులు జారీ

ప్రజాపాలన ప్రజా విజయోత్సవాల వేళ.. రేవంత్ రెడ్డి సర్కార్ మరో కీలక నిర్ణయం తీసుకుంది. పెద్దపల్లి, ములుగు జిల్లాల వాసులకు సర్కార్ గుడ్ న్యూస్ వినిపించింది. జిల్లా కేంద్రమైన పెద్దపల్లితో పాటు ములుగు జిల్లాలోని ఏటూరునాగారంలో కొత్తగా ఆర్టీసీ డిపోలను ఏర్పాటు చేస్తున్న ప్రభుత్వం ఉత్తర్వులు జారీ చేసింది. ఈమేరకు రవాణా శాఖ ప్రత్యేక కార్యదర్శి వికాస్ రాజ్ ఉత్తర్వులు జారీ చేశారు. దీంతో.. ఆ రెండు జిల్లాల వాసులకు మరింత మెరుగైన రవాణా సౌకర్యాలు అందుబాటులోకి వస్తాయని ఆశిస్తున్నారు.