తెలంగాణలో 'జీరో స్టూడెంట్' స్కూళ్లే 1864.. విద్యాశాఖ తాజా నివేదికలో విస్తుపోయే విషయాలు..!

Telangana Govt Schools: తెలంగాణ వ్యాప్తంగా పాఠశాలలు, అందులోని విద్యార్థుల సంఖ్యకు సంబంధించిన రిపోర్టును విద్యాశాఖ.. ప్రభుత్వానికి అందించగా.. ఇప్పుడది ఆందోళన కలిగిస్తోంది. రాష్ట్రవ్యాప్తంగా మొత్తం 26, 287 ప్రభుత్వ పాఠశాలలు ఉండగా.. అందులో ఒక్క స్టూడెంట్ కూడా లేని స్కూళ్లు.. ఏకంగా 1864 ఉన్నాయని పేర్కొనటం విస్తుపోయేలా చేస్తోంది. అయితే.. జనవరిలో ఇచ్చిన రిపోర్టు ప్రకారం కేవలం 12 వందలకు పైగా ఉన్న ఈ స్కూళ్ల సంఖ్య ఇప్పుడు 18 వందలకు పెరగటం ఆందోళన కలిగిస్తోంది.