తెలంగాణలో ట్రాఫిక్‌కు కొత్త బ్యూరో.. రద్దీ నియంత్రణకు TMARS

తెలంగాణలో ట్రాఫిక్‌ సమస్యలు, రోడ్డు ప్రమాదాల నియంత్రణ కోసం ట్రాఫిక్‌ మేనేజ్‌మెంట్‌ అండ్‌ రోడ్‌ సేఫ్టీ బ్యూరో (టీమార్స్‌) ఏర్పాటు చేయాలని పోలీస్‌ ఉన్నతాధికారులు ప్రతిపాదించారు. అదనపు డీజీపీ లేదా ఐజీ నేతృత్వంలో పనిచేసే ఈ విభాగంలో సుమారు 900 మంది సిబ్బందిని కేటాయించనున్నారు. ట్రాఫిక్‌ చలానాల ఆదాయంలో 50 శాతం కొత్త బ్యూరోకు కేటాయించాలని ప్రతిపాదించారు. రాష్ట్రవ్యాప్తంగా ట్రాఫిక్‌ నిర్వహణకు ఏకరీతి విధానం తీసుకురావడం, రోడ్డు ప్రమాదాలను తగ్గించడం టీమార్స్‌ ప్రధాన లక్ష్యాలుగా ఉండనున్నాయి.