తెలంగాణలో పెరిగిపోతున్న పెండింగ్ ట్రాఫిక్ చలాన్లు.. మళ్లీ డిస్కౌంట్ ఎప్పుడు..?

వాహనం ఇంటి నుంచి బయటకు తీసింది మొదలు ట్రాఫిక్ నిబంధనలను పాటిస్తూ.. గమ్యస్థానాలకు చేరాల్సి ఉంటుంది. లేదంటే ఇటు ప్రాణానికి కూడా ప్రమాదం పొంచి ఉంటుంది. అయితే ఇలా ట్రాఫిక్ ఉల్లంఘనల కారణంగా లక్షల్లో ఛలాన్లు విధిస్తున్నారు. తెలంగాణలో లక్షల సంఖ్యలో ట్రాఫిక్ ఛలాన్లు పెండింగ్‌లో ఉన్నాయి. గత ఏడాది డిస్కౌంట్ స్కీమ్‌తో పెద్ద మొత్తంలో వసూళ్లు జరిగాయి. మళ్లీ ఇలాంటి అవకాశం వస్తుందేమోనని వాహనదారులు ఎదురు చూస్తున్నారు. అయితే దీనిపై తెలంగాణ ప్రభుత్వం ఇప్పటివరకు ఎలాంటి స్పష్టత ఇవ్వలేదు. వాహనదారులు మాత్రం పెండింగ్ ఛలాన్లు చెల్లించేందుకు డిస్కౌంట్ ఇవ్వాలని కోరుతున్నారు.