తెలంగాణలో ప్రభుత్వ ఉద్యోగులకు శుభవార్త.. ఎట్టకేలకు నెరవేరనున్న ఆ కల..

తెలంగాణలో ప్రభుత్వ ఉద్యోగులకు ఎంప్లాయిమెంట్ హెల్త్ స్కీమ్ రూపంలో ఆరోగ్య రక్షణ అందించేందుకు కసరత్తు ప్రారంభమైంది. సీఎస్ రామకృష్ణారావు ఆధ్వర్యంలో నిర్వహించిన సమీక్షలో.. ఇతర రాష్ట్రాల నమూనాలు, బీమా సంస్థల విధానాలు పరిశీలించి తుది ప్రతిపాదనలు సిద్ధం చేయాలని నిర్ణయించారు. ఉద్యోగులు, పెన్షనర్లు కలిపి 7,14,322 లబ్ధిదారులకు క్యాష్‌లెస్ వైద్య సౌకర్యం కల్పించేందుకు సుమారు రూ.1,300 కోట్ల వార్షిక ఖర్చు అంచనా వేశారు. ప్రైవేట్ హాస్పిటల్స్‌లోనూ సేవలు అందేలా చర్యలు తీసుకోనున్నారు.