దారుణం.. బర్త్‌డే పార్టీకని బార్‌కు వెళ్తే.. బీర్ బాటిల్‌తో కొట్టి చంపేశారు..!

ఉప్పల్ పోలీస్ స్టేషన్ పరిధిలోని రామంతపూర్‌లో గల శ్రీ గుడ్ డే బార్‌లో జరిగిన ఘర్షణలో 25 ఏళ్ల పవన్ కుమార్ అనే యువకుడు దారుణంగా హత్యకు గురయ్యాడు. రాత్రి 11 గంటల సమయంలో, హరి, శ్రవణ్ అనే ఇద్దరు స్నేహితుల మధ్య తలెత్తిన గొడవను ఆపడానికి ప్రయత్నించిన పవన్ కుమార్ తలకు శ్రవణ్ బీర్ బాటిల్‌తో బలంగా కొట్టడంతో అక్కడికక్కడే మృతి చెందాడు. హరి, శ్రవణ్, పవన్ కుమార్ అంతా అంబర్‌పేట పటేల్ నగర్ నివాసులేనని పోలీసులు తెలిపారు. సమాచారం అందుకున్న పోలీసులు సంఘటనా స్థలానికి చేరుకుని, మృతదేహాన్ని గాంధీ మార్చురీకి తరలించారు. నిందితుడు శ్రవణ్‌తో పాటు అతని మిత్రులను అదుపులోకి తీసుకుని విచారిస్తున్నారు. గతంలో పవన్ కుమార్ అన్న కూడా ప్రమాదంలో మరణించడంతో, ఇప్పుడు ఇద్దరు కుమారులను కోల్పోయిన ఆ కుటుంబం శోకసంద్రంలో మునిగిపోయింది.