దివ్యాంగురాలి కోసం రోడ్డుపై కూర్చున్న పవన్.. డౌన్ టు ఎర్త్ లీడర్ నువ్వేనయ్యా..

ఏపీ డిప్యూటీ సీఎం పవన్ కళ్యాణ్ మరోసారి తన విశాల హృదయాన్ని చాటుకున్నారు. బాధితులు, సమస్యల్లో ఉన్నవారి కోసం ప్రోటోకాల్ పక్కనపెట్టే పవన్ కళ్యాణ్.. సోమవారం కూడా అలాగే స్పందించారు. ఓ దివ్యాంగురాలు తన కోసం రోడ్డుపై నిరీక్షిస్తున్న విషయం తెలుసుకున్న పవన్ .. కారు ఆపి మరీ ఆమె దగ్గరకు వెళ్లారు. రోడ్డుపై కూర్చుని ఆమె బాధలు విన్నారు. అండగా ఉంటామని.. సమస్యను పరిష్కరిస్తామని హామీ ఇచ్చారు. పవన్ కళ్యాణ్ విజయనగరం జిల్లా పర్యటనలో ఈ ఘటన చోటు చేసుకుంది.