దువ్వాడ కుటుంబ కథాచిత్రంలో మరో ట్విస్ట్.. మాధురి భర్త ఎంట్రీ.. భార్య గురించి కీలక వ్యాఖ్యలు

వైసీపీ ఎమ్మెల్సీ దువ్వాడ శ్రీనివాస్ కుటుంబ వివాదం మంగళవారం మరో మలుపు తిరిగింది. దివ్వెల మాధురి భర్త మహేష్ ఎంట్రీ ఇవ్వటంతో ఎపిసోడ్‌లో మరో ట్విస్ట్ చోటుచేసుకుంది. తన భార్య రాజకీయంగా ఎదుగుతోందనే కారణంతోనే ఆరోపణలు చేస్తున్నారని మాధురి భర్త మహేష్ ఆరోపించారు. ఎవరేమనుకున్నా మా మాధురి.. నా మాధురేనంటూ కీలక వ్యాఖ్యలు చేశారు. అయితే భర్త మద్దతు ప్రకటించినందుకు సంతోషం వ్యక్తం చేసిన మాధురి.. ఎవరితో ఉండాలో భవిష్యత్తులో నిర్ణయం తీసుకుంటానంటూ వ్యాఖ్యానించారు.