నర్సరీ నుంచి 4వ తరగతి వరకు కొత్త స్కూళ్లు.. విద్యార్థులకు పాలు, టిఫిన్, భోజనం

తెలంగాణలో పిల్లల చదువులకు కొత్త ఊపు రానుంది! సీఎం రేవంత్ రెడ్డి ఆదేశాలతో, కార్పొరేట్ స్థాయి వసతులతో నర్సరీ నుంచి 4వ తరగతి వరకు కొత్త స్కూళ్లు రాబోతున్నాయి. ఈ స్కూళ్లలో చదివే విద్యార్థులకు బడిలోనే పాలు, అల్పాహారం, మధ్యాహ్న భోజనం కూడా అందిస్తారు. ఈ స్కూళ్లలో విశాలమైన ఆట స్థలాలతో ఆహ్లాదకరమైన వాతావరణం కలిగి ఉండబోతున్నాయి. విద్యార్థులకు నాణ్యమైన విద్య అందించడమే లక్ష్యం. వచ్చే విద్యా సంవత్సరం నుంచే ఈ మార్పులు మొదలవుతాయి!