నారా లోకేష్‌తో మంచు విష్ణు భేటీ.. కారణాలపై సస్పెన్స్..!

ఆంధ్రప్రదేశ్ విద్యాశాఖ మంత్రి నారా లోకేష్‌తో మంచు విష్ణు భేటీ అయ్యారు. ఈ విషయాన్ని మంచు విష్ణు ఎక్స్ వేదికగా వెల్లడించారు. తన సోదరుడు, డైనమిక్ మినిస్టర్ నారా లోకేష్‌తో అనేక అంశాలపై చర్చించానంటూ మంచు విష్ణు ట్వీట్ చేశారు. ప్రస్తుతం ఈ ట్వీట్ వైరల్ అవుతోంది. అయితే నారా లోకేష్‌తో భేటీలో మంచు విష్ణు ఏం చర్చించారనేదీ ఆసక్తికరంగా మారింది. పలు అంశాలపై ఫలవంతమైన చర్చలు జరిగాయని ట్వీట్ చేసిన మంచు విష్ణు.. అవి ఏమిటనే విషయాలను మాత్రం బహిర్గతం చేయలేదు.