తెలంగాణ ప్రభుత్వం ప్రతిష్టాత్మకంగా అమలు చేస్తున్న రాజీవ్ యువ వికాసం (RYV) స్వయం ఉపాధి పథకానికి భారీగా దరఖాస్తులు వెల్లువెత్తాయి. ముఖ్యంగా మైనార్టీ, బీసీ, ఎస్సీ, ఎస్టీ వర్గాల నుంచి తీవ్ర పోటీ నెలకొంది. యాదాద్రి జిల్లాలో 39,141 దరఖాస్తులు అందగా, 7,041 యూనిట్లు మంజూరయ్యాయి. ఈ జిల్లాలో బ్యాంక్ వెరిఫికేషన్ పూర్తవ్వగా.. నెలాఖరులో లబ్దిదారుల ఎంపిక చేసి, జూన్ 2-9 వరకు ప్రొసీడింగ్స్ అందించనున్నారు.