నిరుద్యోగులు రెడీగా ఉండండి.. త్వరలోనే 12,452 ఉద్యోగాల భర్తీకి నోటిఫికేషన్

తెలంగాణ నిరుద్యోగులకు నిజంగా ఇది పండగలాంటి వార్తే. త్వరలోనే దాదాపు 12 వేల పైచిలుకు ఉద్యోగాలను భర్తీ చేయడానికి తెలంగాణ ప్రభుత్వం సిద్ధమవుతోంది. ఒకే శాఖలో సుమారు 12,452 ఖాళీలున్నాయని ఆర్థిక శాఖకు ఇచ్చిన నివేదికలో అధికారులు వెల్లడించారు. మిగతా శాఖల్లో ఉన్న ఖాళీల వివరాలు తీసుకుని.. జాబ్ క్యాలెండర్ రూపొందించి.. దాని ప్రకారం ఉద్యోగాల భర్తీ ప్రక్రియ చేపట్టనున్నారు. త్వరలోనే దీనిపై ప్రభుత్వం నుంచి స్పష్టత వచ్చే అవకాశం ఉంది.