నివసించడానికి అత్యంత అనుకూల నగరం.. దేశంలోనే బెస్ట్ సిటీగా హైదరాబాద్..!

హైదరాబాద్ మహా నగరం సత్తా చాటింది. అన్‌బాక్సింగ్‌ బీఎల్‌ఆర్‌ సంస్థ విడుదల చేసిన 'WeAreCity 2026' నివేదిక ప్రకారం.. దేశంలోని ఎనిమిది మెట్రో నగరాల్లో హైదరాబాద్ నివసించడానికి అత్యంత అనుకూలమైన నగరంగా నిలిచింది. రియల్ ఎస్టేట్ వృద్ధి, రవాణా సౌకర్యాలు హైదరాబాద్‌ను అగ్రస్థానంలో నిలబెట్టాయి. ఒకప్పుడు ఐటీలో క్యాపిటల్‌గా ఉన్న బెంగళూరుకు హైదరాబాద్ ఇప్పుడు గట్టి పోటీ ఇస్తోంది. ఆర్థిక వృద్ధి, కార్యాలయాల విస్తరణలో భాగ్యనగరం శరవేగంగా దూసుకుపోతున్నట్లు నివేదిక ద్వారా వెల్లడైంది.