నేటి నుంచి గ్రూప్-1 మెయిన్స్.. పరీక్షా కేంద్రాల వద్ద సెక్షన్ 163, సుప్రీం తీర్పుపై ఉత్కంఠ

గ్రూప్-1 పరీక్షలకు తెలంగాణ పబ్లిక్ సర్వీస్ కమిషన్ అన్ని ఏర్పాట్లను పూర్తి చేసింది. 563 గ్రూప్-1 పోస్టుల భర్తీకి నేటి నుంచి ఈనెల 27 వరకు పరీక్షలు నిర్వహిస్తోంది. పరీక్షలు వాయిదా వేయాలనే కొందరు అభ్యర్థుల ఆందోళన నేపథ్యంలో పోలీసులు ముందు జాగ్రత్త చర్యలు చేపట్టారు. హైదరాబాద్, సైబరాబాద్, రాచకొండ పోలీస్ కమిషనరేట్ల పరిధిలోని 46 పరీక్ష కేంద్రాల వద్ద ఆయా కమిషనర్ల ప్రత్యక్ష పర్యవేక్షణలో భారీ బందోబస్తు ఏర్పాటు చేశారు.