నేను కొడితే మామూలుగా ఉండదు.. ప్రభుత్వంపై కేసీఆర్ సంచలన వ్యాఖ్యలు

తెలంగాణ కాంగ్రెస్ ప్రభుత్వంపై మాజీ ముఖ్యమంత్రి, బీఆర్ఎస్ అధినేత కేసీఆర్‌ సంచలన వ్యాఖ్యలు చేశారు. జహీరాబాద్‌ నియోజకవర్గ నాయకులు, కార్యకర్తలతో శుక్రవారం తన ఫామ్‌హౌస్‌లో ఆయన సమావేశమయ్యారు. ఈ సందర్భంగా ప్రభుత్వంపై ఆగ్రహం వ్యక్తం చేశారు.. ప్రాజెక్టులకు సంబంధించి ఎలాంటి పురోగతి లేదని ధ్వజమెత్తారు. ఇలాంటి ప్రభుత్వాన్ని తాను ఎప్పుడూ చూడలేదని, ఏడాదిలోనే ఇంత వ్యతిరేకత వచ్చిందని అన్నారు. కాంగ్రెస్ నాయకులు కనబడితే జనాలు కొట్టేలా ఉన్నారని అన్నారు. ఏ ప్రభుత్వం కావాలని కాంగ్రెస్‌ పార్టీ సోషల్‌ మీడియాలో పోల్ పెడితే.. బీఆర్ఎస్ సర్కారు కావాలని ఓట్లేశారన్నారు. నేను కొడితే మామూలుగా ఉండదని, గట్టిగా కొట్టడం నా అలవాటని అన్నారు. ఫిబ్రవరి చివరిలో భారీ బహిరంగ సభ పెడతామని కేసీఆర్‌ వ్యాఖ్యానించారు.