నేరగాళ్లు ఇక తప్పించుకోలేరు.. ఏపీ పోలీసుల ప్లాన్ అదిరింది..

నేర నిరూపణ రేటు పెంచేందుకు, బాధితులకు న్యాయం చేసేందుకు ఆంధ్రప్రదేశ్ పోలీసులు సరికొత్త అడుగు వేస్తున్నారు. ఘటనా స్థలాల్లో ఆధారాలు సేకరించడానికి అత్యాధునిక ఫోరెన్సిక్ మొబైల్ యూనిట్ వాహనాలు ప్రారంభం కానున్నాయి. త్వరలో సీఎం చంద్రబాబు చేతుల మీదుగా ఈ వాహనాలు జిల్లాలకు పంపిణీ చేయనున్నారు. ఈ వాహనాల్లో దర్యాప్తుకు అవసరమైన అత్యాధునిక పరికరాలు ఉన్నాయి. క్రైమ్ సీన్ ప్రతి అణువును నిక్షిప్తం చేయడానికి.. వాహనం ముందు, వెనుక కెమెరాలు ఉంటాయి. నమూనాలను సేకరించేందుకు, భద్రపరిచేందుకు అవసరమైన కిట్లు ఉంటాయి.