పచ్చని అడవుల్లో సాహస యాత్రకు సిద్ధమా? టూరిస్టుల కోసం కొత్తగా మూడు ట్రెక్కింగ్ మార్గాలు

ములుగు జిల్లాలో ఎకో టూరిజం అభివృద్ధిలో భాగంగా అటవీ శాఖ వరాలగుట్ట, రామస్వామిగుట్ట, దేవునిగుట్టలలో ట్రెక్కింగ్ మార్గాలను ఏర్పాటు చేస్తోంది. కాకతీయుల రక్షణ గోడలు, పురాతన ఆలయాలు, జలపాతాలు ఈ ప్రాంతాల ప్రత్యేకత. ఈ ఏడాది జూన్ నాటికి పర్యాటకులకు ఈ సౌకర్యాలు అందుబాటులోకి రానున్నాయి. ఈ ప్రాజెక్టు ద్వారా అటవీ సంపదను కాపాడుతూనే పర్యాటకాన్ని ప్రోత్సహించాలని తెలంగాణ ప్రభుత్వం లక్ష్యంగా పెట్టుకుంది. ఈ మేరకు ప్రత్యక ప్రణాళికలు సిద్ధం చేస్తోంది.