పవన్ కళ్యాణ్ కాన్వాయిలో ప్రమాదం.. డీజీపీ ఆఫీస్ వద్ద ఘటన..!

ఏపీ డిప్యూటీ సీఎం పవన్ కళ్యాణ్ కాన్వాయిలో ప్రమాదం జరిగినట్లు సమాచారం. పవన్ కళ్యాణ్ కాన్వాయిలోని వాహనం ఢీకొని ఓ వ్యక్తికి గాయాలైనట్లు తెలిసింది. తాడేపల్లిలోని డీజీపీ ఆఫీస్ వద్ద ఈ ఘటన జరిగినట్లు సమాచారం. అయితే గాయపడిన వ్యక్తిని పవన్ కళ్యాణ్ సిబ్బంది వెంటనే ఆస్పత్రికి తరలించారు. ప్రస్తుతం అతను ఓ ప్రైవేట్ ఆస్పత్రిలో చికిత్స పొందుతున్నట్లు తెలిసింది. దీనికి సంబంధించి పూర్తి వివరాలు వెల్లడి కావాల్సి ఉంది.