పవన్ కళ్యాణ్ చేస్తున్నది కరెక్టే.. వైసీపీ లీడర్ కేతిరెడ్డి సపోర్ట్!

వైసీపీ నేత, ధర్మవరం మాజీ ఎమ్మెల్యే కేతిరెడ్డి వెంకటరామిరెడ్డి ఏపీ ప్రభుత్వం గురించి కీలక వ్యాఖ్యలు చేశారు. ఎన్నికలకు ముందు టీడీపీ కూటమి ఇచ్చిన హామీల అమలుకు అప్పుడే గగ్గోలు పెట్టాల్సిన పనిలేదని అభిప్రాయపడ్డారు. టీడీపీ కూటమి ప్రభుత్వానికి ఈ ఏడాది ఆఖరి వరకూ సమయం ఇవ్వాలని అన్నారు. అలాగే ఏపీ డిప్యూటీ సీఎం పవన్ కళ్యాణ్ గురించి కేతిరెడ్డి ఆసక్తికర వ్యాఖ్యలు చేశారు. అప్పట్లో టీడీపీ.. వైసీపీ ప్రభుత్వాన్ని ఓ విషయంలో తప్పుబట్టినప్పటికీ.. ప్రస్తుతం పవన్ కళ్యాణ్ అదే ఫాలో అవుతున్నారని.. దానికి మద్దతు తెలుపుతున్నట్లు చెప్పుకొచ్చారు.