పవన్ కళ్యాణ్‌పై అనుచిత వ్యాఖ్యల కేసు.. పోలీస్ స్టేషన్‌కు దువ్వాడ శ్రీనివాస్

ఎమ్మెల్సీ దువ్వాడ శ్రీనివాస్ శ్రీకాకుళం జిల్లా టెక్కలి పోలీస్ స్టేషన్‌లో విచారణకు హాజరయ్యారు. జనసేన అధినేత పవన్ కళ్యాణ్‌ను దూషించారంటూ జనసేన కార్యకర్తలు దువ్వాడ శ్రీనివాస్‌పై టెక్కలి పోలీస్ స్టేషన్‌లో ఫిర్యాదు చేసిన సంగతి తెలిసిందే. ఈ నేపథ్యంలో విచారణకు రావాల్సిందిగా పోలీసులు దువ్వాడ శ్రీనివాస్‌కు ఇటీవల 41ఏ నోటీసులు ఇచ్చారు. ఈ నేపథ్యంలోనే దివ్వెల మాధురితో కలిసి దువ్వాడ శ్రీనివాస్ పోలీస్ స్టేషన్‌కు వచ్చారు. సుమారు 23 నిమిషాలపాటు దువ్వాడ శ్రీనివాస్‌ను టెక్కలి పోలీసులు విచారించారు. అనంతరం తన ఫిర్యాదులపై పోలీసులు పట్టించుకోవడం లేదని దువ్వాడ శ్రీనివాస్ అసంతృప్తి వ్యక్తం చేశారు.