పెళ్లయి ఏళ్లు గడిచినా పిల్లలు పుట్టలేదా..? ఆ దంపతులకు ఇదొక వరం.. రూపాయి ఖర్చు లేకుండా..

ప్రభుత్వ సంతాన సాఫల్య కేంద్రాలు పేద దంపతులకు లక్షల ఖర్చు లేకుండా చికిత్స అందిస్తున్నాయి. ఇందులో భాగంగా వరంగల్‌లోని సీకేఎం ఆస్పత్రిలో ఏర్పాటైన ఐవీఎఫ్ కేంద్రం (IVF Centre) సత్ఫలితాలు ఇస్తోంది. ప్రైవేటు ఆస్పత్రులు అధిక ఫీజులతో దోపిడీకి పాల్పడుతున్న వేళ.. ఈ కేంద్రానికి తాకిడి పెరుగుతోంది. మార్చిలో ప్రారంభమైనప్పటి నుంచి ప్రతి నెలా సగటున వంద మంది ఇక్కడ ఉచిత చికిత్స పొందుతున్నారు. అయితే.. వైద్య సిబ్బంది కొరత కారణంగా వస్తున్న ఇబ్బందులను దంపతులు తెలియజేస్తున్నారు.