పేదలకు గుడ్‌న్యూస్‌.. అన్ని కార్పొరేషన్లలో ఇందిరమ్మ టవర్స్‌, మంత్రి కీలక ప్రకటన

తెలంగాణలో పేదలకు సొంతిళ్లు అందించేందుకు ప్రభుత్వం ఇందిరమ్మ టవర్స్‌ తరహా గృహ సముదాయాలను ఇతర మున్సిపల్‌ కార్పొరేషన్లలోనూ నిర్మించనుంది. తొలి విడతలో మంజూరైన 4.50 లక్షల ఇళ్లలో 1.97 లక్షలు పూర్తయ్యాయి. దసరా నాటికి 2 లక్షల గృహప్రవేశాలు చేయాలని లక్ష్యంగా పెట్టుకున్నారు. రెండో విడతలో మరో 2 లక్షల ఇళ్లను మంజూరు చేశారు. ఈ నెల 20లోపు లబ్ధిదారుల ఎంపిక పూర్తిచేయనున్నారు. క్యూర్‌ పరిధిలో లక్ష ఇళ్లను టవర్ల రూపంలో నిర్మించేందుకు త్వరలో పనులు ప్రారంభించనున్నట్లు మంత్రి పొంగులేటి శ్రీనివాసరెడ్డి తెలిపారు.