పోలీసు శాఖలో మతపరమైన దీక్షలపై కఠిన ఆదేశాలు.. SIకు మెమో జారీ

నగర పోలీసు శాఖ.. మతపరమైన దీక్షలపై కఠిన ఆదేశాలు జారీ చేసింది. పోలీసు సిబ్బంది విధి నిర్వహణలో ఉండి అయ్యప్ప దీక్ష వంటి మతాచారాలు చేయకూడదని సూచించింది. ఎవరైనా దీక్షలో ఉంటే సెలవులు తీసుకోవాలని తెలిపింది. ఈ నిబంధనలను ఉల్లంఘించిన ఎస్సై కృష్ణకాంత్‌కు మెమో జారీ చేసింది. అయితే ఈ ఆదేశాలపై రాజాసింగ్, వీహెచ్‌పీ నాయకులు తీవ్ర అభ్యంతరం వ్యక్తం చేస్తున్నారు. కేవలం హిందువులకే ఇలాంటి ఆంక్షలు ఎందుకని వారు ప్రశ్నిస్తున్నారు.