పోలీస్‌స్టేషన్‌కు వెళ్లిన బుడ్డోడు... ఫిర్యాదు విని పోలీసులు షాక్, ఏం హుషారున్నవ్ బై..!

రూ. 300 పెట్టి కొన్న బొమ్మ హెలికాప్టర్ ఎగరకపోవడంతో విసిగిపోయిన పదేళ్ల బాలుడు నేరుగా పోలీస్ స్టేషన్‌కు వెళ్లి ఫిర్యాదు చేశాడు. దుకాణం యజమాని మోసం చేశాడని పోలీసుల ముందు తన గోడు వెళ్లబోసుకున్నాడు. ఆ బుడ్డోడి ధైర్యానికి పోలీసులు సైతం ఆశ్చర్యపోయారు. వెంటనే స్పందించి విచారణ చేపట్టారు. ఈ ఘటన సంగారెడ్డి జిల్లా కంగ్టిలో చోటు చేసుకోగా.. బాలుడి ధైర్యాన్ని స్థానికులు మెచ్చుకుంటున్నారు.