ప్రతి గ్రామంలో రుణమాఫీ, రైతుభరోసా ఫ్లెక్సీలు.. ఊరూరా ఏర్పాటుకు రూ.28 కోట్లు విడుదల

తెలంగాణ ప్రభుత్వం రైతు రుణమాఫీ, రైతు భరోసా పథకాల లబ్ధిదారుల వివరాలతో ఊరూరా ఫ్లెక్సీలు ఏర్పాటు చేయనుంది. దీని కోసం వ్యవసాయ శాఖ రూ. 28.35 కోట్లు విడుదల చేసింది. ఒక్కో గ్రామానికి మూడు ఫ్లెక్సీల చొప్పున మొత్తం 8.10 లక్షల ఫ్లెక్సీలు ఏర్పాటు చేయనున్నారు. రుణమాఫీ పొందిన 24.76 లక్షల మంది రైతుల పేర్ల కోసం రూ. 7.35 కోట్లు, రైతు భరోసా పొందిన 69.98 లక్షల మంది రైతుల పేర్ల కోసం రూ. 21 కోట్లు కేటాయించారు. అత్యధికంగా నల్గొండ జిల్లాకు రూ. 2.13 కోట్లు విడుదల చేశారు.