ప్రయాణికులకు అలర్ట్.. వరంగల్ రైల్వే స్టేషన్‌లో.. మొదటి సారి ఇలా..

వరంగల్ రైల్వే స్టేషన్‌లో ఇటీవల నిర్వహించిన మాక్‌డ్రిల్‌లో రైల్వే సిబ్బంది, అత్యవసర సేవల బృందాలు ప్రమాదాల నివారణపై శిక్షణ పొందారు. రైలు కింద పడటం, విద్యుత్ షాక్‌లు, ట్రాక్ దాటుతుండగా ప్రమాదాలు, తొక్కిసలాటలు వంటి వాటిపై అవగాహన కల్పించారు. క్షతగాత్రులకు సీపీఆర్ చేయడం, అంబులెన్స్‌కు తరలించడం వంటి చర్యలను సిబ్బంది సమర్థవంతంగా ప్రదర్శించారు. ఆర్పీఎఫ్, జీఆర్పీ, అగ్నిమాపక సిబ్బంది ఈ కార్యక్రమంలో పాల్గొన్నారు. ప్రయాణికులు అప్రమత్తంగా ఉండాలని, రైల్వే నియమాలు పాటించాలని అధికారులు సూచించారు.