ప్రయాణికులకు బిగ్ షాక్.. బస్సు ఛార్జీలు పెంచిన టీజీఎస్ఆర్టీసీ..

తెలంగాణ రాష్ట్ర రోడ్డు రవాణా సంస్థ (TGSRTC) హైదరాబాద్, సికింద్రాబాద్ పరిధిలో సిటీ బస్సుల చార్జీలను పెంచుతున్నట్లు ప్రకటించింది. ఈ అదనపు చార్జీలు అక్టోబర్ 6వ తేదీ నుంచి అమల్లోకి వస్తాయి. సిటీ ఆర్డినరీ, మెట్రో ఎక్స్‌ప్రెస్ వంటి సర్వీసుల్లో మొదటి మూడు స్టేజీలకు రూ. 5, నాలుగో స్టేజీ నుంచి రూ. 10 అదనంగా వసూలు చేయనున్నారు. మెట్రో డీలక్స్, ఏసీ బస్సుల్లోనూ ఇదే స్థాయిలో పెంపు ఉంటుంది. నిర్వహణ ఖర్చుల దృష్ట్యా తీసుకున్న ఈ నిర్ణయం, నిత్యం ప్రయాణించే వారిపై కొంత ఆర్థిక భారాన్ని మోపనుంది.