ఫెంగల్ తుపాను ఎఫెక్ట్.. హైదరాబాద్‌ నుంచి పలు విమానాలు రద్దు.. తిరుపతివి కూడా!

Hyderabad Tirupati Flights Cancelled: ఫెంగల్ తుపాను ప్రభావంతో.. తమిళనాడు, ఆంధ్రప్రదేశ్ రాష్ట్రాల్లో భారీ వర్షాలు కురుస్తున్నాయి. ముఖ్యంగా చెన్నై, తిరుపతిలో జోరు వానలు పడుతున్నాయి. బలమైన ఈదురు గాలులతో కూడిన భారీ వర్షాలు కురుస్తుండటంతో.. ఈ తుపాను ప్రభావం విమానాల రాకపోకలపై పడింది. దీంతో.. తెలుగు రాష్ట్రాల మధ్య పలు విమానాలు రద్దయ్యాయి. హైదరాబాద్- తిరుపతి మధ్య నడిచే ఏడు విమాన సర్వీసులు రద్దయినట్టు అధికారులు తెలిపారు.