బంగాళాఖాతంలో ఉపరితల ఆవర్తనం.. ఈ జిల్లాల్లో వర్షాలు, ప్రజలకు అలర్ట్

AP Weather Today: ఉపరితల ఆవర్తన ప్రభావంతో శ్రీకాకుళం, విజయనగరం, పార్వతీపురం మన్యం జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉంది. కోస్తాలో అక్కడక్కడ ఎండ తీవ్రత కొనసాగుతున్నప్పటికీ, పలుచోట్ల ఉరుములు, పిడుగులతో కూడిన వర్షాలు కురిశాయి. ఈ నెల 13న బంగాళాఖాతంలో అల్పపీడనం ఏర్పడే అవకాశం ఉందని.. అప్పుడు భారీ వర్షాలకు అవకాశం ఉందంటున్నారు. శ్రీశైలం జలాశయానికి వరద వస్తుండటంతో ఒక గేటు ఎత్తి నీటిని విడుదల చేస్తున్నారు.