బంజారాహిల్స్‌తో పాటు పలు ప్రాంతాల్లో HMDA భూముల వేలం.. అప్‌సెట్ ధరలు ఇవే..

తెలంగాణ ప్రభుత్వం ఆదాయాన్ని పెంచుకునేందుకు హెచ్‌ఎండీఏ ద్వారా హైదరాబాద్‌లోని 176 ప్రైమ్ ప్లాట్లను ఈ-వేలానికి తెచ్చింది. జూన్ 17 నుండి 30 వరకు ఈ వేలం జరగనుంది. తొలిసారిగా బంజారాహిల్స్‌లోని 8.24 ఎకరాల భూమిని ఎకరాకు రూ.99 కోట్ల కనీస ధరతో వేలం వేస్తున్నారు. ఈ మెగా వేలం ద్వారా రూ.1500 కోట్ల ఆదాయాన్ని అధికారులు ఆశిస్తున్నారు. మోకిలా, మేడిపల్లి, నార్సింగి, చందానగర్ వంటి ప్రాంతాల్లో గజానికి రూ.30 వేల నుంచి రూ.60 వేల వరకు అప్‌సెట్ ధరలను నిర్ణయించారు. బంజారాహిల్స్ భూమికి జూన్ 19న వేలం జరగనుంది.