బండ్ల గణేష్ ఇంటికి పరిటాల సునీత.. వదినమ్మ అంటూ ట్వీట్..

ఏపీ మాజీ మంత్రి, రాప్తాడు ఎమ్మెల్యే పరిటాల సునీత, సినీ నిర్మాత బండ్ల గణేష్ నివాసానికి వెళ్లారు. బండ్ల గణేష్ కుమార్తె జనని పెళ్లి ఇటీవల ఘనంగా జరిగిన సంగతి తెలిసిందే. అయితే ఈ కార్యక్రమానికి పరిటాల సునీత హాజరు కాలేకపోయారు. ఈ నేపథ్యంలోనే శుక్రవారం బండ్ల గణేష్ నివాసానికి వెళ్లిన పరిటాల సునీత, నూతన దంపతులకు పట్టువస్త్రాలు పెట్టి ఆశీర్వాదం అందించారు. ఈ విషయాన్ని తెలియజేస్తూ బండ్ల గణేష్ చేసిన ట్వీట్ వైరల్ అవుతోంది.