బదిలీల విషయంలో గ్రామ, వార్డు సచివాలయ ఉద్యోగులకు శుభవార్త చెప్పిన సర్కారు

స్వర్ణాంధ్ర-2047 విజన్ కోసం పనిచేస్తున్న గ్రామ, వార్డు సచివాలయ ఉద్యోగులకు బదిలీల నుంచి ప్రభుత్వం మినహాయింపునిచ్చింది. జిల్లా, నియోజకవర్గ స్థాయి ప్రణాళికల తయారీలో వీరు పాల్గొంటుండటంతో ఈ నిర్ణయం తీసుకున్నారు. అయితే, అన్నమయ్య, అనంతపురం, విశాఖపట్నం జిల్లాల్లో ఉద్యోగులు బదిలీల కౌన్సెలింగ్‌ను వ్యతిరేకిస్తున్నారు, పారదర్శకత లేదని ఆరోపిస్తున్నారు. మరోవైపు, మున్సిపల్, కార్పొరేషన్ ఉద్యోగులను సొంత వార్డుల్లో కాకుండా వేరే వార్డులకు బదిలీ చేయనున్నారు. ప్రైవేట్ పాఠశాలల్లో విద్యా హక్కు చట్టం కింద ఉచిత ప్రవేశాలకు జులై 2 వరకు గడువు పొడిగించారు.