బ్లాక్ మెయిల్ చేస్తారా.. అలాంటోళ్లను వదిలేది లేదు.. నాదెండ్ల మనోహర్ వార్నింగ్

పౌరసరఫరాల శాఖ మంత్రి నాదెండ్ల మనోహర్ తన పనిలో స్పీడు పెంచారు. నిత్యం తనిఖీలు, సోదాలతో బిజిబిజీగా ఉంటున్న నాదెండ్ల మనోహర్.. రేషన్ బియ్యం సరఫరాలో అక్రమాలకు పాల్పడే వారికి వార్నింగ్ ఇచ్చారు. త్వరలోనే అలాంటి వారిని అరెస్ట్ చేస్తామని ప్రకటించారు. ఈ విషయంలో సీఐడీని కూడా రంగంలోకి దించుతామని మంత్రి స్పష్టం చేశారు. అలాగే ఇతర రాష్ట్రాలకు వెళ్లి వ్యాపారం చేసుకుంటామని కొంతమంది వ్యాపారులు అంటున్నారన్న మంత్రి... ప్రభుత్వాన్ని బెదిరిస్తున్నారా అంటూ మండిపడ్డారు. అక్రమార్కులను వదిలేది లేదని తేల్చిచెప్పారు.