భక్తుడి ట్వీట్.. 24 గంటల్లో ఉద్యోగి ఉద్యోగం ఊడింది.. నారా లోకేష్ స్పాట్ యాక్షన్

ఆంధ్రప్రదేశ్ మంత్రి నారా లోకేష్ సోషల్ మీడియాలో ఎంత యాక్టివ్‌గా ఉంటారో ప్రత్యేకంగా చెప్పాల్సిన పనిలేదు. సోషల్ మీడియాలో సాయం కోరేవారికి సత్వరమే స్పందిస్తూ ఉంటారు. ఈ క్రమంలోనే కాణిపాకం ఆలయంలో సిబ్బంది వ్యవహారం గురించి ఓ భక్తుడు ఎక్స్ వేదికగా మంత్రి నారా లోకేష్‌కు ఫిర్యాదు చేశారు. దీనిపై స్పందించిన నారా లోకేష్ విచారణకు ఆదేశించారు. ఆలయ అధికారుల విచారణలో కాణిపాకం టికెట్ కౌంటర్ సిబ్బంది నిర్లక్ష్యం నిజమేనని తేలింది. దీంతో టికెట్ కౌంటర్‌లోని ఉద్యోగిని విధుల నుంచి తొలగించారు.