భగవద్గీత ప్రచారాన్ని ఎమ్మెల్యే గల్లా మాధవి అడ్డుకున్నారా.. ఆ రోజు ఏం జరిగింది?

గుంటూరు వెస్ట్ ఎమ్మెల్యే గల్లా మాధవికి సంబంధించి సోషల్ మీడియాలో ఓ వార్త వైరల్ అవుతోంది. ఇస్కాన్ ప్రతినిధులు భగవద్గీత పుస్తకాలను విక్రయించకుండా గల్లా మాధవి అడ్డుకున్నారంటూ వీడియోలు, ప్రచారం జరుగుతోంది. దీనిపై గల్లా మాధవి స్పందించారు. ఇస్కాన్ సంస్థ ప్రతినిధులతో కలిసి ఆమె విలేకర్ల సమావేశం నిర్వహించారు. తాను భగవద్గీత పుస్తకాల విక్రయాన్ని అడ్డుకోలేదని ఆమె స్పష్టం చేశారు. ట్రాఫిక్‌కు అంతరాయం కలగకుండా భగవద్గీత పుస్తకాలను అమ్ముకోవాలని.. అవసరమైతే తానే స్టాల్స్ ఏర్పాటు చేయిస్తానని చెప్పినట్లు తెలిపారు. దీంతో వైరల్ అవుతున్న ప్రచారం.. తప్పుదోవ పట్టించేదిగా తేలింది.