భారత్ ఫ్యూచర్ సిటీ మాస్టర్ ప్లాన్ ఖరారు.. సింగపూర్ సంస్థ డీపీ ఆర్కిటెక్ట్స్‌కు బాధ్యతలు..!

తెలంగాణ ప్రభుత్వం ప్రతిష్టాత్మక భారత్ ఫ్యూచర్ సిటీ మాస్టర్ ప్లాన్ బాధ్యతలను సింగపూర్‌కు చెందిన డీపీ ఆర్కిటెక్ట్స్ సంస్థకు అప్పగించింది. జూన్ 10న మీర్‌ఖాన్‌పేట కార్యాలయంలో దీనికి సంబంధించిన అవార్డు లేఖను అందిస్తారు. 9 నెలల్లో సిద్ధం కానున్న ఈ ప్లాన్‌లో 765 చ.కి.మీ పరిధిలోని 30 వేల ఎకరాల మౌలిక సదుపాయాలను గుర్తిస్తారు. ఇందులో ప్రధానంగా లైఫ్ సైన్సెస్ 4 వేల ఎకరాలు, ఈవీ పార్క్ 1976 ఎకరాలు, ఏఐ సిటీ 403 ఎకరాలు, హెల్త్ సిటీలకు భూములను కేటాయించి హెచ్ఎండీఏ గ్రిడ్‌తో సమన్వయం చేయనున్నారు.