మన మిత్ర ద్వారా వేయి పౌర సేవలు..! ఇక వాట్సాప్ ఉంటే చాలేమో..

ఏపీ ముఖ్యమంత్రి నారా చంద్రబాబు నాయుడు వాట్సాప్ గవర్నెన్స్ గురించి కీలక వ్యాఖ్యలు చేశారు. వాట్సాప్ గవర్నెన్స్ ద్వారా వేయి పౌర సేవలు అందించనున్నట్లు ప్రకటించారు. ప్రస్తుతం ఏపీ ప్రభుత్వం వాట్సాప్ ద్వారా 161 సేవలు అందిస్తోంది. త్వరలోనే ఈ సంఖ్యను వేయికి పెంచనున్నట్లు చంద్రబాబు చెప్పారు. పౌరులకు సులభంగా పౌర సేవలు అందించాలనే ఉద్దేశంతో ఏపీ ప్రభుత్వం మన మిత్ర పేరిట ఈ వాట్సాప్ గవర్నెన్స్ అందుబాటులోకి తెచ్చింది. దీని ద్వారానే విద్యార్థులకు హాల్ టికెట్లు కూడా అందిస్తున్నారు.