మరో కీలక నిర్ణయం తీసుకున్న ప్రభుత్వం.. అక్కడ 450 ఎకరాల్లో ఐటీ నాలెడ్జ్ హబ్..

హైదరాబాద్‌లోని పుప్పాలగూడలో 450 ఎకరాల్లో ఐటీ నాలెడ్జ్ హబ్‌ను ఏర్పాటు చేయాలని తెలంగాణ ప్రభుత్వం నిర్ణయించింది. సుప్రీంకోర్టు రద్దు చేసిన 200 ఎకరాల భూమి, టీజీఐఐసీకి చెందిన 250 ఎకరాలను కలిపి ఈ హబ్‌ను ఏర్పాటు చేయనున్నారు. దీని ద్వారా 5 లక్షల మంది యువతకు ఉపాధి అవకాశాలు లభిస్తాయని ప్రభుత్వం అంచనా వేస్తోంది. ఈ హబ్ హైదరాబాద్ ఐటీ రంగానికి మరియు చుట్టుపక్కల ప్రాంతాల అభివృద్ధికి దోహదం చేస్తుంది.